Бүгін өз тарихында осымен екінші мәрте өтіп жатқан «Ұлы дала жорығы» — әлемдік тәжірибеде теңдесі жоқ республикалық ат спорты марафонына қатысушы шабандоздар Жаңақорған ауданына келіп, табан тіреді.
Айта кетейік, осыдан бір жыл бұрын елімізде көшпенді бабаларымыздың заңды мұрагері ретінде ат спорты мен ат туризмін заманға сай дамыту мақсатында «Ұлы дала жорығы» жобасы қолға алынған болатын. Биылғы жылғы марафон 1300 шақырымға, яғни Астана қаласы мен Түркістан облысы аралығын жүріп өтуге жоспарланып, оған қатысуға 19 команда ниет білдірді. Дегенмен, қазіргі таңда бар 9 ұжым жарыс жолын жалғастыруда.
Әрмен қарай шабандоздар "Қаратал" демалыс орны маңына тоқтап, жорық алдында тынығатын болады.