«Полиглот» сайысы өтті

«Руханият» орталығында аудандық мәдениет және тілдерді дамыту бөлімінің ұйымдастыруымен және Қызылорда облысының тілдерді оқыту орталығының қолдауымен «Полиглот» атты қазақ, орыс және ағылшын тілдерін жетік меңгерген 18-35 жас аралығындағы мекеме қызметкерлері арасында интеллектуалдық сайыс өтті.
Сайысқа қатысқан мекеме қызметкерлері бақтарын сынап, бекітілген Ережеге сәйкес берілген 4 кезең бойынша тапсырмалар орындады.
Сайыс қорытындысы бойынша қазылар алқасының шешімімен І-орынды Жаманбай батыр ауылдық округі әкімі аппаратының бас маманы Кеңес Мұхтар, ІІ-орынды аудандық қоғамдық даму бөлімінің маманы Жұмашбек Күнімай, ІІІ-орынды «Коғамдық келісім» Жаңақорған ауданы бойынша этносаралық қатынастар жөніндегі сарапшы Ильясов Асхат иеленді. Өзге де қатысушылар алғыс хаттармен марапатталды. Сондай-ақ, барлық қатысушыларға бағалы сыйлықтар табыс етілді.