«Абай әлемі» ғылыми байқауына қатысуға өтінімдер қабылдау жалғасуда

Абай Құнанбайұлының 175 жылдық мерейтойына арналған «Абай әлемі» ғылыми байқауына қатысуға өтінімдер қабылдау жалғасуда. ҚР Тұңғыш Президенті - Елбасы Қоры мен Мемлекеттік тілді дамыту қоры ұйымдастырған байқаудың мақсаты – Абай мұрасын кеңінен насихаттау, дарынды жас ғалымдарды анықтау, ақын шығармашылығының ғылыми тұрғыдан талдануына қолдау көрсету, жастардың әдебиетке деген қызығушылығын арттыру.
Студенттер мен магистранттарға арналған ғылыми байқауға өтінімдер 2020 жылдың 25 мамырына дейін abai_fond@mail.ru электронды поштасы арқылы қабылданады. Жеңімпаздар 2020 жылдың маусым айында анықталады. Үздік ғылыми жұмыстар «Abaialemi.kz» порталында жарияланады.