Қарағандыдағы музыкалық мектептің оқушылары «Таланттарға сәлем» жобасының аясында Рим, Канн және Прагада өткен халықаралық жарыстарда жүлделі орындарға ие болды. Бұл туралы ҚазАқпарат-қа сілтеп, Stan.kz ақпараттық агенттігі хабарлайды.
 Музыкалық жарыстарға 44 қарағандылық оқушы қатысты. Олардың барлығы көптеген республикалық және халықаралық жарыстардың жеңімпаздары. Бұл сапарды қала әкімдігінің қолдауымен Қарағанды қаласының Білім басқармасы ұйымдастырған екен. 44 қатысушының 39-ы I, II, III дәрежелі лауреат атанып, бір домбырашымыз Гран-приді ұтып алған.
  «Біздің домбырашымыз Ұлжан Зейнел Прагада өткен сайыста жеңімпаз атанды. Ол конкурста 1 орынды иемденіп, ең үздік ұлттық киім деген диплом алды. Ол 2018 жылдың қазан айында бірінші орын иелерімен бірге Санкт-Петербургте өтетін «Таланттар салты» халықаралық жобасының VIII супер финалына қатысады», – дейді №1 өнер мектебінің директоры Анастасия Беремичева.