Жаңа Неке сарайы салынады

    Қызылорда қаласында Неке сарайы салынып жатыр деп хабарлайды "Жаңақорған тынысы" сайты @qyzylordanews телеграмм каналына сілтеме жасап.

     Аймақ басшысы Нұрлыбек Нәлібаев қалаға келген қонақтар мен оның әрбір тұрғыны өзін көрікті де қолайлы және ыңғайлы ортада жүргенін сезіну үшін қала орталығын дамытуды тапсырған болатын. Содан бері танымал сәулетшілер мен дизайнерлер атсалысып, бірқатар жаңа нысандардың жобаларына үлесін қосып келеді. Міне енді жақын арада қалада көптеген жаңа нысандар бой көтеріп халық игілігіне берілмек. Мәселен, Қан орталығы, Өнер мектебі, жаңа Стадион соның қатарында Неке сарайы да бар. Бұл нысандардың құрылысы басталып та кетті. Ендігі мақсат сапалы жұмыс болса деген тілек.
Айта кетейік, Қызылорда қаласындағы Бейбарыс Сұлтан көшесінде облыс әкімдігі ғимаратының жанында заманауи үлгідегі Неке сарайының аумағы 2100 шаршы метрді құраса, құрылысқа 1,5 млрд теңге бөлінген.