Ертедегі қазақтар ұстаған қару түрлері

Тарихқа терең үңілсек, ата-бабаларымыз қазақ даласын қорғауда жауларымен ғасырлар бойы күресіп келген. Осындай жаугершілік заманда қазақ батырлары қолдарына қару алып елді, жерді азат етуде ұстаған қарулары ұрпақтан-ұрпаққа мұраға қалып отырған.

Сойыл – ең алғашқы қаруларының бірі. Тарихы сонау неолит заманынан басталады. О баста аңшылыққа пайдаланды, кейін қорғаныс құралына айналған. Әуелде ағаштан жасалса, кейін тастан, металдан жасалды. Сойыл көбіне шығыс халықтарына тән дүние. Ежелгі еуропалық мәдениетте өте сирек қолданылған.

Шоқпар – сойылдың қорғанысқа, ұруға арналған түрі. Бас жағы жұмыр болады. Басына қоғасын құйылып жасалған шоқпар түрі күрзі деп аталады.

Қолаба – ұрып құлатуға немесе қиратуға арналған қолтоқпақ.

Шебең – темірден жасалған асатаяқ түріндегі сойыл түрі.

Шебің – шағын темір сойыл (шігілше) темір таяқ.