Белгілі промоутер Головкиннің Қазақстандағы ізбасарын атады

 Белгілі промоутер Головкиннің Қазақстандағы ізбасарын атады

 

     Top Rank промоутерлік компаниясының басшысы Боб Арум өзінің клиенті - орта салмақта өнер көрсететін қазақстандық боксшы Жәнібек Әлімханұлына өз бағасын берді, - деп хабарлайды Vesti.kz тілшісіне "Жаңақорған тынысы" сілтеме жасап

  "Әлімханұлы Геннадий Головкиннің ізбасары болады деп сенемін. Оның үстіне, екеуі де Қазақстаннан. Жәнібек - тамаша таланты бар боксшы. Оны жұмадағы кеште көресіздер", - деді Арум. 

    12 сәуірде Лос-Анджелестегі (Калифорния штаты, АҚШ) Staples Center аренасында Әлімханұлы мексикалық Кристиан Оливаспен жұдырықтасады. Боксшылар бұл жекпе-жекте WBO Global және WBC Continental Americas титулдарын сарапқа салады. 

      Кездесу елорда уақытымен 13 сәуірде 07:00-де басталады. Жекпе-жекті QazSport және Qazaqstan телеарналары көрсетпек.