САЙЛАУ-2019: ТАРИХИ ТАҢДАУ – БОЛАШАҚ ҮШІН

Мемлекет басшысы Қасым-Жомарт Тоқаев бүгінгі Қазақстан халқына үндеуінде 2019 жылғы 9 маусым күні кезектен тыс  президент сайлауы өтетінін хабарлады. Бұл дұрыс шешім. Жарсыратыны жоқ, Тәуелсіздік алғалы бері Қазақстан өз жолында әлем аренасындағы биік белестерді бағындырып, төрткүл дүниеге танылды. Негізі тәуелсіздіктің алғашқы жетістігі – халықтың таңдауымен ел Президенттігіне Нұрсұлтан Әбішұлы Назарбаевты сайлады. Н.Назарбаев – барша жаһанға танылған, еңбектің шытырман жолдарынан өткен, шыңдалған, келешекті көрегенділікпен саралайтын көшбасшы тұлға. Сондай-ақ Тәуелсіздіктің символы ретінде Елорданы таңғажайып шаһарға айналдырып, әлемге танытты. Егемендіктің елең-алаң шақтарында елдің еңсесін тіктеп, шекараны шегендеп, сан ғасыр бойғы бабалар арманын баянды еткен Елбасына қай кезде де айтар алғысымыз зор.
Алдағы маусым айында өтетін сайлауда Мемлекет басшысы Қ.Тоқеав мәлімдегеніндей, ашықтық әрі әділеттілік салтанат құратынына сенеміз.
Жақсыгүл БЕГМАНОВА, мәдениет саласының ардагері, қоғам белсендісі