Шипажайдағы іс-шара
«8 – наурыз - Халықаралық әйелдер күніне» орай Жаңақорған шипажайында мерекелік кеш болып өтті. Атаулы іс – шараға шипажай ұжымының ер азаматтары зор үлес қосты. Мерекелік кешті бас дәрігер Үйсінбаев Ғ.Ш. ашып берді және ұжымдағы белсенді әйелдерге құттықтаулар мен қаржылай сыйлықтар табысталды. Сонымен қатар, барша әйел қызметкерлерге бағалы сыйлықтар мен гүл шоқтары сыйланды. Әсерлі басталған іс - шара әйелдер қауымы құрметіне орай ер азаматтар атынан керемет концерттік бағдарламаға ұласты.
Аяулы аналар, қызғалдақтай қыздар, әйелдер қауымы! Сіздер өмірді нұрландырып, шаңыраққа шаттық нұрын себесіздер. Сіздердің қолдауларыңыз әркімнің жүрегіне сенімділік ұялатып, шуақ сыйлайды. Осы айрықша қасиеттеріңіз мәңгілік салтанат құрып, елге ырыс-құт дарысын! 8 наурыз мейрамы құтты болсын!
Дереккөз: Жаңақорған шипажайы фейсбук парақшасынан
