«ЖЫЛДЫҢ ҮЗДІК ӨНЕРПАЗЫ-2018»: АҚНҰРДЫҢ АСУЫ

Қызылорда облысының жұмыспен қамтуды үйлестіру және әлеуметтік бағдарламалар басқармасының «Мүгедектерге арналған оңалту орталығы» КММ жылды қорытындылады. Орталықта өзінің белсенділігімен, өнерге деген құштарлығымен ерекшеленіп, мәдени іс-шараларға белсене атсалысқаны үшін Ақнұр Сматова «Үздік өнерпаз» номинациясымен марапатталды. Құттықожалық Ақнұр Абжалиқызы бүгінде аймаққа танымал талант иесі. Оның нәзік дауысы жүректі тербейді. Әнші қыз бұған дейін «Нұр Отан» партиясы аудандық филиалы демеуімен аудан орталығында және ауыл-аймақта «Еркелетші елім» атты жеке ән кешін  өткізген болатын. Құттықожалық қайсар қыздың елеулі еңбегі ел алдында еленгеніне біз қуаныштымыз. Ақнұрдың әлі де талай биік белестер мен асқар асуларды бағындырарына сенім мол.