ҚАРМАҚШЫДА ОҚЫТУ КУРСЫ ҰЙЫМДАСТЫРЫЛДЫ

2018 жылғы 25 шілдеде Қармақшы ауданында «Ақпараттық топтар қызметін әдістемелік қамтамасыз ету және ұйымдастыру» әлеуметтік жобасы аясында «Көпшілік алдында сөйлеу: аудиторияны меңгерудің психологиялық аспектілері және ораторлық қабілет» атты оқыту курсы өткізілді. Семинардың мақсаты – тыңдаушыларды көпшілік алдында сөз сөйлеудің психологиялық аспектілерімен, аудиторияны басқару тәсілдерімен, сөйлеуге қойылатын талаптармен таныстыру. Семинар-тренингте Қорқыт Ата атындағы ҚМУ доценті, ф.ғ.к. Ғ.Тұяқбаев, п.ғ.к. А.Аяғанова, Қорқыт Ата атындағы ҚМУ доценті, э.ғ.к. Н.Құлмырзаев аудиторияны меңгерудегі сөйлеу шеберлігінің маңызымен, шешендік өнерді игерудің қыр-сырларымен бөлісіп, көпшілік алдында сөз сөйлеудің ерекшеліктеріне, сөйлеу алдындағы толқуларды жеңуге бағытталған кеңестер берілді.