Қазақстан – Орталық Азиядағы туризмді дамыту бойынша көшбасшы ел

«Дүниежүзілік экономикалық форум» халықаралық рейтинг нәтижесін жариялады. Зерттеу барысында елдегі көлік қатынасы, қауіпсіздік, қонақүй инфрақұрылымы, табиғи және мәдени көрікті орындар бағаланған. 110 елдің ішінде Қазақстан 56-орынға тұрақтаған. Жеті балдық жүйе бойынша 4,09 балл жинады.
Осылайша Өзбекстаннан 20, Қырғызстаннан 37 сатыға озып шықты. Әлемдік рейтингте Қазақстан Филиппин, Әзербайжан, Оман, Мысыр және Марокко секілді мемлекеттерден жоғары тұр. Ал үздік үштікті Жапония, АҚШ, Испания түйіндеді.




