Мемлекеттік қызметшілерге қатысты қаржылық бақылау

Қазақстанда мемлекеттік қызметшілерге қатысты қаржылық бақылау жүйесі сыбайлас жемқорлықтың алдын алуға, кірістер мен мүліктің ашықтығын қамтамасыз етуге бағытталған.

Қаржылық бақылау шаралары

      1. Қаржылық бақылау шараларын жүзеге асыру мақсатында айқындалған адамдар жеке тұлғалар:
      1) активтері мен міндеттемелері туралы декларацияны;
      2) кірістері мен мүлкі туралы декларацияны ұсынады.
      2. Активтері мен міндеттемелері туралы декларацияны:
      1) Қазақстан Республикасының Президенттігіне, Қазақстан Республикасы Құрылтайының және мәслихаттардың депутаттығына, аудандық маңызы бар қалалардың, кенттердің, ауылдардың, ауылдық округтердің әкімі болуға, сондай-ақ жергілікті өзін-өзі басқару сайланбалы органдарына мүшелікке кандидаттар және олардың жұбайлары (зайыптары) – кандидат ретінде тіркелгенге дейін;
      2) осы тармақтың 1) тармақшасында аталған адамдарды қоспағанда, мемлекеттік лауазымға не мемлекеттік немесе соларға теңестірілген функцияларды орындауға байланысты лауазымға кандидаттар болып табылатын адамдар және олардың жұбайлары (зайыптары) – лауазымға тағайындау құқығы бар лауазымды адамның (органның) лауазымға тағайындау туралы актісі шығарылғанға дейін (декларация тапсыру айының бірінші күніндегі жағдай бойынша) тапсырады.
      3. Кірістері мен мүлкі туралы декларацияны:
      1) жауапты мемлекеттік лауазымды атқаратын адамдар мен олардың жұбайлары (зайыптары);
      2) мемлекеттік функцияларды орындауға уәкілеттік берілген адамдар мен олардың жұбайлары (зайыптары);
      3) лауазымды адамдар мен олардың жұбайлары (зайыптары);
      4) мемлекеттік функцияларды орындауға уәкілеттік берілген адамдарға теңестірілген адамдар мен олардың жұбайлары (зайыптары) ұсынады.
     Аталған адамдардың активтері мен міндеттемелері туралы декларацияны және (немесе) кірістері мен мүлкі туралы декларацияны ұсынбауы немесе осындай декларацияларда толық емес, анық емес мәліметтерді ұсынуы, егер істелген әрекетте қылмыстық жазаланатын іс-әрекет белгілері болмаса – Қазақстан Республикасының заңдарында көзделген жауаптылыққа алып келеді.
Негізгі қаржылық бақылау шаралары мен талаптары: