«МЕРЕЙЛІ ОТБАСЫ - 2026» ҰЛТТЫҚ КОНКУРСЫНЫҢ АУДАНДЫҚ КЕЗЕҢІНІҢ КОМИССИЯ ОТЫРЫСЫ ӨТТІ

Бүгін «Руханият» орталығының мәжіліс залында «Мерейлі Отбасы 2026» ұлттық конкурсының аудандық деңгейіндегі комиссияның отырысы өтті.
Биыл аталған байқауға 35 отбасы қатысуға өтінім білдіріп, конкурс ережесінің талаптары мен критерийлеріне сәйкес
25 отбасының құжаттары қабылданды.
Комиссия отырысына жинақталған құжаттар «Мерейлі Отбасы 2026» конкурсының бекітілген ереже талаптарына сай қаралып, облыстық екінші іріктеу кезеңіне жолданатын отбасылар анықталды.
Мерейлі отбасы» ұлттық конкурсының негізгі мақсаты өнегелі құндылықтарды жаңғырту және отбасы мен некенің жағымды үлгісін халық арасында кеңінен насихаттауға, отбасы мәртебесін арттыруға бағытталған.