ЖЕРЛЕСТЕРІМІЗ ОБЛЫСТЫҚ ӘКЕЛЕР ФОРУМЫНДА МАРАПАТТАЛДЫ

Бүгін облыс әкімі Мұрат Ергешбаевтың қатысуымен «Әке тәрбиесі – ұлттың рухани діңгегі» атты облыстық әкелер форумы өтті.Тағылымды іс-шара барысында отбасы құндылықтарын насихаттауға және өскелең ұрпаққа өнегелі тәрбие беруге қосқан елеулі үлесі үшін жерлесіміз Ерік Орынбасарұлы облыс әкімінің Алғыс хатымен және бағалы сыйлықтармен марапатталды.

Айта кетейік, Ерік Орынбасарұлы – Жаңақорған кентіндегі №163 орта мектептің мұғалімі. Ұлағатты әке ретінде төрт ұл-қыз тәрбиелеп өсіріп, олардың барлығы мектепті «Алтын белгімен» тәмамдаған. Бүгінде балалары еліміздің әртүрлі салаларында абыройлы қызмет атқарып, ел дамуына өз үлестерін қосып келеді.

Сондай-ақ форум аясында «Қазақстан дауысы – 2023» жобасының финалисі, талантты жерлесіміз Нұрислам Тілеуханға арнайы құрмет көрсетіліп, смарт-теледидар табысталды.