ЖАҢАҚОРҒАНДЫҚ ДӘРІГЕРЛЕРГЕ ЖОҒАРЫ МЕМЛЕКЕТТІК МАРАПАТ ТАБЫСТАЛДЫ

Бүгін Өнер орталығында облыс әкімі Мұрат Ергешбаевтың қатысуымен Медицина қызметкерлері күніне арналған «Ұлт саулығын ұлықтаған дәрігер» атты салтанатты шара өтті.
Мерекелік рәсімде денсаулық сақтау саласының дамуына елеулі үлес қосқан бірқатар медицина қызметкерлері мемлекеттік наградалармен марапатталды.
Қуанышты сәтте жаңақорғандық білікті дәрігерлер Сәулебек Ысқақов пен Сәкен Үсейіновқа ел дамуына сіңірген еңбегі мен халық денсаулығын қорғаудағы қажырлы қызметі үшін жоғары мемлекеттік награда – “Құрмет” ордені табысталды.