ҚАРИЯСЫН ҚАДІРЛЕГЕН ЕЛ – ҚҰНДЫЛЫҒЫН ЖОҒАЛТПАҒАН ЕЛ

Үлкенге құрмет көрсету – ұлт тәрбиесінің темірқазығы. Қай заманда да қариясын қастерлеген халықтың рухы биік, берекесі бекем болған. Осы игі дәстүрді жалғаған «AMANAT» партиясы Жаңақорған аудандық филиалына қарасты «Жалынды жастар» бастауыш партия ұйымы «Ардагерлерді ардақтайық» жобасы аясында тағы бір тағылымды шара ұйымдастырды.
Бұл жолы жастар кент тұрғыны, ардақты қария Туменбаева Күлшағат әженің шаңырағына арнайы барып, ауласының ішін жинастырып, тұрмыстық жұмыстарға қолғабыс жасады. Жастардың ыстық ықыласы мен шынайы қамқорлығы қария көңіліне қуаныш сыйлап, ақ батасын алуға себеп болды.
Шара барысында жасалған еңбек – жай ғана көмек емес, бұл – үлкенге деген құрметтің, ұлттық тәрбиенің және адамдық асыл қасиеттің көрінісі болды. Себебі әрбір қария – өткеннің шежіресі, өмірдің өнегесі. Олардың айтқан ақылы мен берген батасы – кейінгі ұрпақ үшін сарқылмас рухани қазына.
Осындай игі істер арқылы жастардың бойында мейірім мен жауапкершілік, ізет пен жанашырлық қасиеттері қалыптасады. Қоғамның шынайы жылуы да дәл осындай қамқорлық пен құрметтен басталады.
«Ардагерлерді ардақтайық» жобасы – ұрпақтар сабақтастығын жалғап, жүректерді жақындастыратын ізгі бастама.

#AMANAT
#АрдагерлердіАрдақтайық