ҚАЗЫНАЛЫ ҚАРИЯЛАРҒА ҚАМҚОРЛЫҚ – ИГІ ІС

«Ардагерлерді ардақтайық» жобасы аясында қарт жандарға құрмет көрсету – ұрпақ парызының айқын көрінісі. Осы бағытта «AMANAT» партиясы Жаңақорған аудандық филиалына қарасты «Жаңақорған санаториясы» бастауыш партия ұйымының ұйымдастыруымен ардагерлерге арналған медициналық кеңес беру шарасы өтті.
Шара барысында тәжірибелі дәрігерлер қарттардың денсаулығын тексеріп, қажетті кеңестерін беріп, профилактикалық бағытта түсіндіру жұмыстарын жүргізді. Қан қысымы, жүрек-қан тамырлары, буын аурулары сынды жас ұлғайған сайын жиі кездесетін сырқаттарға ерекше назар аударылды.
Бұл бастама – үлкенге құрмет, кішіге үлгі. Ардагерлердің денсаулығына көңіл бөлу арқылы олардың өмір сапасын арттыру – басты міндеттердің бірі. Осындай игі шаралар алдағы уақытта да жалғасын таба бермек.

#AMANAT