ХАЛЫҚ ҮНІ БАСТЫ НАЗАРДА

Бүгін «Бірлік» бастауыш партия ұйымында мазмұнды әрі мағыналы кездесу өтті. Ашық пікір алмасу алаңына айналған бұл жиын – халық пен билік арасындағы байланысты нығайтып, өзекті мәселелерді талқылауға бағытталған маңызды басқосу болды.
Кездесуге «AMANAT» партиясы депутаттық фракциясының мүшесі Берділлаев Бақыт Бексұлтанұлы қатысып, тұрғындармен еркін форматта сұхбат құрды. Жиын барысында әлеуметтік мәселелер, өңірдің даму бағыттары, тұрғындарды толғандырған түйткілдер кеңінен сөз болып, нақты ұсыныстар мен пікірлер айтылды.
Депутат өз кезегінде көтерілген мәселелерді назарға алып, оларды кезең-кезеңімен шешу жолдары қарастырылатынын жеткізді. Сондай-ақ, мұндай кездесулердің маңызы зор екенін атап өтіп, халықтың пікіріне әрдайым құлақ асу – басты міндеттердің бірі екенін ерекше айтты.
Жиын соңында қатысушылар ашық диалог алаңының тиімділігін атап өтіп, алдағы уақытта да осындай мазмұнды кездесулер жалғасын табатынына сенім білдірді.
#AMANAT