АУЫЛ ТЫНЫСЫ - ДЕПУТАТТАР НАЗАРЫНДА

Бүгін Байкенже ауылында Қызылорда облыстық мәслихаттағы «AMANAT» партиясы депутаттық фракциясының мүшесі Амитов Нуридин Егембердіұлы мен Жаңақорған аудандық мәслихат төрағасы Жарқынбек Ғалымжан жергілікті тұрғындармен мазмұнды кездесу өткізді. Бұл басқосудың басты мақсаты – атқарылған жұмыстарды саралап, алдағы міндеттерді айқындау және ауыл халқының ұсыныс-пікірлерін тыңдау болды.
Кездесу барысында Нуридин Егембердіұлы «AMANAT» партиясының 2023-2027жылдарға арналған сайлауалды бағдарламасының ауданда жүзеге асырылу барысына кеңінен тоқталды. Ол нақты жобалар мен бастамалардың орындалу деңгейін атап өтіп, халықтың әл-ауқатын арттыру бағытында атқарылып жатқан жұмыстарға ерекше мән берді. Сонымен қатар, депутаттық фракция мүшелерінің белсенді қызметі, өңірдің әлеуметтік-экономикалық дамуына қосқан үлесі жан-жақты баяндалды.
Ауыл тұрғындары өздерін толғандырған мәселелерді ашық айтып, ұсыныс-пікірлерін жеткізді.

#AMANAT