Қазақстанда 3 қараша күні ауа райы қандай болады

Pixabay.com
«Қазгидромет» РМК синоптиктері 3 қараша күні Қазақстанның ірі қалаларындағы ауа райына болжам ұсынды, деп хабарлайды Ulysmedia.kz.

Астана
Астанада күн бұлтты, кей жерлерде жаңбыр мен қар жауады. Күндіз көктайғақ болуы мүмкін. Жел солтүстік-батыстан соғып, кейін солтүстік-шығысқа ауысады, жылдамдығы 9-14 м/с, кей жерлерде 15-20 м/с-ке дейін күшейеді. Температура түнде және күндіз +1…+3°С шамасында болады.
Алматы
Оңтүстік астанада бұлтты ауа райы, жауын-шашынсыз. Жел оңтүстік-батыстан соғады, жылдамдығы 3-8 м/с. Түнде ауа температурасы +4…+6°С, күндіз +13…+15°С дейін жылы болады.
Шымкент
 
Шымкентте бұлтты ауа райы, кей жерлерде күн ашылады. Таңертең және күндіз жаңбыр жауады. Жел оңтүстік-батыстан соғып, 8-13 м/с, кей жерлерде 15-20 м/с-ке жетеді. Түнде ауа температурасы +5…+7°С, күндіз +10…+12°С болады.