Отбасы – адам үшін ең жақын әлеуметтік орта.

А. Сопыбеков атындағы аудандық кітапхананың оқырмандарға қызмет көрсету бөлімінің ұйымдастыруымен Отбасы күніне орай, "Отбасы – өмір айнасы" атты кітап көрмесі жасақталып, көпшілік оқырманға таныстырылды.
Көрмеге М.Тоқашбаевтың «Бақыттың кілті», Н.Күнқожаевтың «Адам және қоғам», Ғ.Жайлиннің «Азаматтық құқық», Г.Соловьеваның «Қазақстан отбасы қоғамның негізгі құндылығы ретінде: жағдайы және даму үрдістері», К.Жақыповтың «Баланы семьяда тәрбиелеу», Ф.Бизақованың «Отбасы дағдарыс психологиясы», Ә.Қалиевтың «Ақ бесік алтын босаға», К.Елшібаеваның «Сезім. Отбасы. Энергетика» атты кітаптары көпшілік назарына ұсынылды. Кітап көрмесімен кітапханашы З.Садықова оқырмандарды таныстырды.
Мақсаты: Отбасындағы құндылықтар, қарым-қатынас мәдениеті туралы түсінік беру, бақытты жанұяның моделін дайындау, жанұядағы сыйластыққа, адамгершілікке, инабаттылыққа, ынтымақ пен бірлікке, татулық пен ұйымшылдыққа тәрбиелеу. Үлкенді үлгі, кішіні мақтан етуге, отбасының бірлігін сақтап, жанұяның мақтаны болуға тәрбиелеу.