Президент өз Жолдауында еліміздегі басты проблемалардың бірі – жоғары инфляция екенін айтты.

Мемлекет басшысы оның экономикалық өсім мен халық табысын тежеп отырғанын атап өтті. Оның пікірінше, дайын шешім жоқ, себебі бұл мәселе әлемнің көптеген елдеріне тән, бірақ Қазақстанда ол ерекше өткір сипатқа ие.
– Біз макроэкономикалық қиындықтан шығуымыз керек. Кеше туындаған қиындықтарды халықаралық үздік тәжірибені қолданып еңсереміз. Ол үшін халыққа ұнамайтын, жауапкершілікті қажет ететін шешімдер қабылдауға дайын болуымыз қажет, – деді Тоқаев.
Президенттің айтуынша, Үкімет пен Ұлттық банк бір команда болып жұмыс істеуі тиіс.
– Қазір арқан тартысатын уақыт емес. Алдымызда бүкіл мемлекет үшін ортақ міндет тұр, – деді мемлекет басшысы.