ЖАҢАҚОРҒАНДЫҚ ЖАСТАР ҚҰТТЫҚОЖА БҰЛАҒЫН ТАЗАРТЫП, КӨЗІН АШТЫ
“Таза Қазақстан” экологиялық тұжырымдамасы аясында “Бұлақ көрсең – көзін аш” атты ұранмен Жаңақорған ауданының жастары Құттықожа баба кесенесі маңындағы бұлақ басында экологиялық тазалық іс-шарасын өткізді.Тарихи-мәдени мұра нысандарының бірі болып саналатын Құттықожа баба кесенесі аумағында орналасқан бұл бұлақ – Құттықожа елдімекенінің негізгі аяқ су көзі саналады. Жастар өңірдің рухани табиғи құндылығын сақтауға өз үлестерін қосып, бұлақ көзін ашып, айналасын күл-қоқыстан тазартып, шөптерді шауып, қоршауларды әрлеп-сырлады.
Игі іске ұйытқы болған жастарға шара соңында ұлттық тағамдар – бауырсақ, қымыз және қымыран ұсынылды.
Табиғатты аялау мен тарихи орындарды қадірлеуді мақсат еткен бұл бастама жастардың туған жерге деген жанашырлығын айқындай түсті.
