Жаңақорған ауданының Жеңіс саябағында "Батырларға мың алғыс!" тақырыбында тағзым ету шарасы ұйымдастырылды. Орталық алаңда жалғасын тапқан шара соғыс жылдарындағы естелік суреттер мен тарихи жәдігерлер көрмесіне ұласты. Орталық алаңда Ұлы Отан соғысындағы Жеңістің 80 жылдығына арналған «Ұлы Жеңіске – 80 жыл!» атты мерекелік концерт ұйымдастырылды.

Сонымен қатар, Түгіскен ауылының жастары отансүйгіштік пен батырлықты дәріптеген флешмоб биін билеп, шараның көркін қыздыра түсті.

Аталған шараны тұрғындармен бірге тамашалаған аудан әкімі Мажит Самитов пен ел ағалары әсерлі сәттердің куәсі болды.
Бейбіт күнді тарту еткен ардагер аға ұрпақтарға және тыл ардагерлеріне мың тағзым!