ӘБДІРӘСІЛ ИБРАГИМОВ ҚҰРМЕТ ТӨРІНДЕ

Бүгін аудан әкімі Мажит Самитов осы күнге дейін Жаңақорған кенті әкімі қызметін абыроймен атқарып келген Әбдрасіл Ысқақұлы Ибрагимовты өкілеттігі тоқтауына байланысты қабылдап, құрметпен шығарып салды.

Басқосуда аудан басшысы Әбдрасіл Ысқақұлының ауданда түрлі салада абыроймен атқарған қызметтерін атап өтіп, жемісті еңбек еткені үшін алғысын жеткізді.
Сондай-ақ, ауданның әлеуметтік - экономикалық дамуына қосқан ерекше үлесі үшін ауданның ең жоғарғы марапаты Жаңақорған ауданының «Құрмет» грамотасын табыстап, алдағы жұмыстарына сәттілік тіледі.
Жиында аудандық ардагерлер кеңесінің төрағасы Өмірсерік Тақырбасов, Жаңақорған кенті ардагерлер кеңесінің төрағасы
Серхожа Ыдырысов ізгі лебіздерін жеткізсе, айтыскер ақын Әбілқайыр Сыздықов арнауын оқыды.