Құрылыс саласының ардагеріне құрмет!
Аудан әкімі Мажит Самитов құрылыс саласының дамуына ерекше еңбегі сіңген ардагер, аудандық қоғамдық кеңес төрағасы, «Қазақстанның Құрметті құрылысшысы» төсбелгісінің иегері Тәжіғұлов Қалмұхамбет Жолмырзаұлын 70 жас мерейтойымен құттықтады.
Іс-шара барысында Қалмұхамбет Жолмырзаұлына Жаңақорған ауданының ең жоғары марапаты «Құрмет» грамотасы табысталып, қазақы дәстүрге сай иығына шапан жабылды.
Мерейтой иесін аудандық ардагерлер кеңесінің төрағасы Өмірсерік Тақырбасов, Серғожа Ыдырысов, Төребай Сапарбаев және шәкірті, аудандық құрылыс бөлімінің басшысы Орман Ахметов құттықтады.
