Облыстық білім басқармасы жанынан білім беру ұйымдарындағы асхана және тамақтану сапасын бақылау мақсатында құрылған ведомствоаралық сараптамалық топ Жаңақорған кентіндегі мектептерге мониторинг жұмыстарын жүргізді.

Топ құрамы: облыстық білім басқармасы балалар мен жасөспірімдерді әлеуметтік қорғау бөлімінің басшысы - Жунисова Шолпан Оралбаевна, бала құқықтары жөніндегі өңірлік уәкілі - Тоғанова Жақсыгүл Қоханқызы, Қызылорда қаласының "№1 қалалық емханасы" ШЖҚ КМК-ның бас дәрігердің ана мен бала жөніндегі орынбасары - Қайранбаева Айжан, «AMANAT» партиясы Жаңақорған аудандық филиалының консультанты - Бектаева Айнұр Ғаниқызы.

Мониторинг барысында білім беру ұйымдарындағы асханалар жұмысының санитарлық ережелерге, сондай-ақ балалар тамағының арнайы бекітілген нормаларға сәйкестігі, тамақтандыру бойынша құжаттардың заңға сай рәсімделуі және басқа да талаптардың орындалуы зерделенді.