Мемлекет басшысы: Қазақстанның 11 аймағында жаңадан 20 бөген салынады

Мемлекет басшысы Қасым-Жомарт Тоқаевтың төрағалығымен ХХХІІІ сессиясының отырысы өтіп, бірқатар тақырыптарды қозғап қана қоймай, нақты тапсырмалар берді.
Әсіресе, Президент еліміздің бірқатар өңірінде су тасқыны салдарынан қалыптасқан күрделі жағдайды ескере отырып, биылғы сессияны онлайн-форматта өткізу туралы шешім қабылдағаны оң шешім деп есептейміз.
Сонымен қатар, жиын барысында табиғат апаттарымен күресетін шаралар туралы айта кетті.
– Елдегі бөгеттер мен бөгендердің барлығы дерлік өткен ғасырдың 50-70 жылдары салынған. Заман талабына сай су қоймалары тапшы болғандықтан, биылғы тасқынның зардабы тіпті ауыр болды. Сондықтан Қазақстанның 11 аймағында жаңадан 20 бөген салынады, тағы 15-іне күрделі жөндеу жүргізіледі. Сонда 134 елді мекенді су басу қатері едәуір азаяды.
Су ресурстарын басқару жүйесін дамыту тұжырымдамасына тасқынның алдын алу және оның салдарын азайту шаралары қосылады. Бұл шаралар халықаралық тәжірибені ескере отырып әзірленеді», – деді Президент.
Бұл өте маңызды әрі еліміздің қауіпсіздікке жетелейтін бірден-бір жол.