Полковник Ғалымжан Тасжанов білім алған мектебіне аялдады

Оқушыларға отансүйгіштік қасиетті бойға дарытар тәлімді шаралар өтуде.№125 мектепті бітіргеніне 30 жылдан асқан түлектер білім алған ұясына келіп, кездесу кешін өткізді. 

С.Сапарбеков атындағы № 125 орта мектебінде мектеп директорының кәсіби бағдар беру жөніндегі орынбасары Камалова Марал Әбдімүтәліпқызы мен 11 «Б» сынып жетекшісі Рахимова Ақмарал Жұмабайқызының ұйымдастыруымен Мамандық әлемі және оның ерекшеліктері туралы оқушы дүниетанымын кеңейту, алдағы уақытта мамандық таңдауда дұрыс жолда болуына себепкер болу, таңдаған мамандығының өз қабілетіне сәйкес келуін нақтылау мақсатында “Бүгінгі таңдауың – ертеңгі болашағың” тақырыбында 11-сынып оқушыларымен Қызылорда облысының қорғаныс істері жөніндегі департаменті бастығы полковник Тасжанов Ғалымжан Алтынбекұлымен кездесу кеші өткізілді.