Бүгін Байкенже ауылдық округі, √ 193 жалпы орта мектебінде "Кел, жаңа жыл төріме" атты мерекелік іс-шара болып өтті. Шараға мектептің бастауыш сынып оқушылары қатысты.

Оқу ордасының МАДТ мен 1-сынып оқушыларына жаңа жылдық сыйлықтар таратылды. Сыйлықтарға демеушілік жасаған "Байкен-U" ЖШС өндірістік мекемесі. Ауылдық округ әкімінің ұйымдастыруымен жасалған сыйлықтар балаларға үлкен қуаныш сыйлады. Жыл сайынғы жаңа жыл сыйлықтарын үлестіру, оларды ұйымдастыру ауыл әкімшілігінің дәстүрлі шарасына айналған. Сонымен бірге, барлық мерекелік және қайырымдылық шараларына үнемі үлесін қосып, демеушілік жасап отыратын іргелес орналасқан өндірістік мекемелерге ауыл тұрғындары атынан шексіз алғыс білдіреміз.