Бионикалық протездер аяқ-қолынан айырылған адамдарға өте қажет. Италиялық компания жасаған бионикалық қол қарапайым протездерге қарағанда әлдеқайда ыңғайлы. Ол адамның қолының 80% функциясын орындай алады.

Бионикалық протез – бұл кемтар мүшені ішінара немесе толығымен алмастыратын және оның қызметін атқаратын протез. Италиялық Presilia компаниясы жасаған бионикалық қол қазіргі қолданыстағы протездерге қарағанда әлдеқайда ыңғайлы, жайлы қызмет етеді. Тамақ ішу, күнделікті шаруалармен айналысуда бионикалық қол адамның қолының функцияларының шамамен 80% орындай алады. Ғалымдар бұны үлкен жетістік дейді. 
Осы аптада жарияланған жаңа зерттеуде компания швед әйелінің жағдайын егжей-тегжейлі айтып берді, ол озық бионикалық қолға үйреніп, бұрынғыға қарағанда ауырсынудың азайғанын қуанған.
Карин есімді швед әйелі 20 жыл бұрын ауыл шаруашылығында жарақат алып, оң қолының шынтақтан төмен көп бөлігінен айырылған. Көптеген ампутацияға ұшыраған адамдар сияқты, Каринде қолының фантомдық ауырсыну күшті болғандықтан үлкен дозада дәрі қабылдаған. Ол күнделікті өмірде пайдалануға қиын қарапайым протездердің пайдасы аз болғанын айтады. 
Бірақ бірнеше жыл бұрын Карин Еуропалық Одақ қаржыландыратын және Еуропаның түкпір-түкпірінен ондаған ғалымдардың басын қосқан бионикалық мүшелердің келесі буынын дамытуға бағытталған DeTOP жобасына қатысқан алғашқы пациенттердің бірі болды.