Ауыл кеші көңілді

Жаңақорған ауданының 95 жылдығына орай "Prime Park" орталық саябағында аудан өнерпаздарының "Ауыл кеші көңілді" концерттік бағдарламасы көпшілік назарына ұсынылды.
Шара барысында жас суретшілер туған жерге махаббатын қылқаламмен өрнектесе, әншілер әннен шашу шашып кештің көркін келтірді. Сондай-ақ өлкеміздің тарихына қатысты түрлі викториналық сұрақтар қойылып, ұтымды жауаптарға сыйлықтар таратылды. Әуезді ән мен күй қатар өрілген керемет кеш жиналған қауымға ерекше қуаныш сыйлап, көтеріңкі көңіл-күймен тарқасты.