Түркияда жер сілкінісінен кейін 188 мердігер қамауға алынды

Түркияда болған жойқын жер сілкінісінен кейін 188 құрылыс компаниясының басшылары мен мердігерлері қамауға алынды.
Түркия билігі 11 провинцияда жер сілкінісінен қираған ғимараттарға тексеру жұмыстарын жүргізіп, 696 күдіктіні анықтады. Соның нәтижесінде 188 адам қамауға алынды.
Сондай-ақ жер сілкінісі болған аймақтарда ұрлық жасады деген күдікпен 306 адам ұсталды.
Айта кетейік, 6 ақпанда Түркияның бірнеше провинциясында 7,7 балдық жер сілкінісі тіркелді. Қаза тапқандар саны 42 мыңнан асты. Бұл жер сілкінісінен Сирия да қатты зардап шекті.