Қызылорда облысының антикор қызметіне жаңа басшы тағайындалды
Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментіне жаңа басшы тағайындалды.
Е.Ә.Мақажанов 1981 жылы Алматы облысында дүниеге келген.
Т.Рысқұлов атындағы Қазақ экономикалық университетінің «Маркетинг және коммерция» мамандығы және Қазақ еңбек және әлеуметтік қатынастар академиясының «Құқықтану» мамандығы бойынша жоғары білім алған.
Еңбек жолын 2005 жылы қаржы полициясы органдарында иснпектор лауазымынан бастады.
2005-2014 жыл аралығында қаржы полициясының түрлі лауазымдарында, оның ішінде басшы лауазымдарда қызмет атқарды.
2014-2020 жылдары Сыбайлас жемқорлыққа қарсы қызметі және экономикалық тергеу қызметінде түрлі лауазымдарда еңбек еткен.
2020-2022 жылдары Агенттіктің Алматы облысы бойынша департаментінің басшысы, ал 2022 жылдың маусым айынан бастап Жамбыл облысы бойынша департаменті басшысының бірінші орынбасары болып қызмет атқарған.
2023 жылдың қаңтар айынан бастап Қызылорда облысы бойынша департаменті басшысының міндетін атқарушы болып табылады.
