МӘМС үшін алдын ала төлемді қалай дұрыс жасауға және бір жыл бұрын мәртебені алуға болады?

Еске салайық, 2022 жылғы 5 қыркүйекте МӘМС - ға бір жыл бұрын жарналарды төлеудің жаңа тетігі басталды. Оны «сақтандырылған» мәртебесі бар, сондай – ақ жүйеге ешқашан төлем жасамаған немесе оны жүйесіз жасаған барлық дербес төлеушілер пайдалана алады. Бұл қалай жұмыс істейді және төлеушілерге қандай ерекшеліктерді білу керек Қызылорда облысы бойынша Әлеуметтік медициналық сақтандыру қоры филиалының директоры Бақыт Исмаханбетовпен сұхбатында.
Филиал директоры жаңа төлем әдісі қалай жұмыс істейтінін түсіндірді. Ең алдымен, төлем жасамас бұрын, мәртебеңізді және соңғы 12 айдағы төлемдердің болуын тексеріңіз. Мұны Qoldau-24/7 мобильді қосымшасы, Telegram-дағы SaqtandyruBot арқылы немесе eGov.kz электрондық үкімет порталындағы жеке кабинет арқылы жасауға болады.
Үзінді көшірмеде әр ай үшін төлемдерді жеке-жеке көресіз. Егер сізде бірнеше төленбеген ай болса, олар үшін әлдеқайда аз мөлшерде төлем жасап, мәртебені алу тиімді болады. 2022 жылы дербес төлеушілер үшін жарналар сомасы 3 000 теңгені құрады           (1 ЕТЖ-дан 5% (ең төменгі жалақы), 2023 жылы 1 ЕТЖ-дан 5% 3 500 теңгені құрайды.
Мәртебені бірден алу үшін алдымен ағымдағы айға, содан кейін келесі 11 айға ақы төлем жасау керек. Мысалы, егер сізде 2022 жылдың тамыз айынан бастап төлемдер болмаса, онда 2022 жылдың тамызынан 2023 жылдың шілдесіне дейін төлей аласыз. 12 айдағы жалпы сомасы 39 500 теңгені құрайды.
Егер сізде 2022 жылы төлем мүлдем болмаған болса, онда сіз 2023 жылға жарна салған тиімді. Мысалы, егер сіз қаңтар айында төлесеңіз, онда төлемдер 2023 жылдың қаңтар айынан желтоқсан айына дейін болуы керек. 3 500 теңге х 12 = 42 000 теңге.
Төлемді кез келген екінші деңгейдегі банк немесе банктердің мобильді қосымшалары, жылдам төлем терминалдары немесе Қазпошта филиалдары арқылы жасауға болады.
Жарналар әр ай үшін бөлек төленеді. Төлем жасау кезінде ЖСН, төлем енгізілетін ай мен жылды дұрыс көрсету маңызды. Сіз 12 айға төлемдерді бірден жасай алмайсыз, өйткені жүйе әр ай үшін төлемді бөлек оқиды.
Жарналарды 3 жұмыс күні ішінде төлегеннен кейін жүйеге барлық төлемдердің түсуін және мәртебенің берілуін тексеру қажет. Төлем ұзақ уақыт бойы жүйеге түспесе, төлем кезінде қате жіберілген болуы мүмкін.
Қате жіберген кезде мәртебені жоғалтпау үшін сіз осы кезең үшін жарналарды қайтадан төлеуіңіз керек, ал қате төленген соманы қайтаруға қоюыңыз керек. Бұл «Азаматтарға арналған үкімет» мемлекеттік корпорациясына өтініш берген жағдайда жүзеге асырылады.
Алған мәртебеңізді жоғалтпау үшін жарналарды ай сайын төлеуді ұмытпаңыз!