Тұрғын үй-коммуналдық шаруашылығы, жолаушылар көлігі және автомобиль жолдары саласындағы көрсетілетін мемлекеттік қызметтер

Аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімі арқылы мемлекеттік қызметтер тізбесіне сай бөлім тарапынан жалпы саны 8 түрлі қызметтер көрсетіледі.
Жыл басынан бері тұрғын үйге мұқтаж азаматтарды кезекке қою 9 ай бойынша жергілікті атқарушы органдардағы тұрғын үй кезегіне қою бойынша-336 өтініш түскен. Оның ішінде-230 өтініш тіркеліп қанағаттандырылған, қалған-106 өтініш дәлелді негіздер бойынша бас тартылған.  Өтініштердің барлығы Электронды үкімет порталы арқылы түсуде. Өткен 2020 жылы тұрғын үй кезегіне тұруға-270 өтініш түскен болатын.
Оның ішінде жеке және заңы тұлғалар жүгінетін қызмет түрлері мыналар:
1) Күзгі-қысқы кезеңдерге әзірлік паспортын беру,
2) тұрғын үйге мұқтаж азаматтарды кезекке қою
3) ортақ пайдаланымдағы автомобиль жолдарында сыртқы (көрнекі) жарнама орналастыруға рұқсат беру,             
4) тұрғын үйді жекшелендіру,
5) тұрғын үйдің бар немесе жоқтығы туралы анықтама беру.
Қазіргі таңда аудан көлемінде тұрғын үйге мұқтаж жандар тізімінде 1100 жуық адам тұрғын үй кезегінде тіркелген. Үстіміздегі жылы ауданда тұрғын үй кезегінде тұрған әлеуметтік жағынан аз қамтылған отбасыларды тұрғын үймен қамтамасыз ету мақсатында Жаңақорған кенті, Саяжай мөлтек ауданындағы 2018 жылы жеке инвестордың қаржысымен 18 пәтерлі үш қабатты тұрғын үй сатып алынып, а.ж сәуір айында кезекте тұрған 18 адамға табысталды.                                                                          1) Оның ішінде Қазақстан Республикасы Индустрия және инфрақұрылымдық даму министрінің м.а. 2021 жылғы 13 тамыздағы № 441 бұйрығы  негізінде «Тұрғын үйге мұқтаж азаматтарды есепке алу және кезекке қою» мемлекеттік қызмет көрсету қағидалары бекітілген. Мемлекеттік қызмет көрсету тәртібі үкіметтің www.egov.kz порталы арқылы жүзеге асырылады. Қазақстан Республикасының азаматтарын есепке қою үшін тұрғылықты мекен жайында кемінде 3 (үш) жыл тұрғанын растау қажет.                  
Тұрғын үйге мұқтаж азаматтар 6 санат бойынша құжаттарын ұсына алады:
 1) ҰОС-ның мүгедектері мен қатысушылары,
2) жетiм балаларға, ата-анасының қамқорлығынсыз қалған балаларға        
 3) "Алтын алқа", "Күміс алқа" алқаларымен наградталған көпбалалы отбасына жататын азаматтар, 
4) халықтың әлеуметтiк жағынан әлсіз топтарына жататын (толық емес отбасылар, 1-2 топтағы мүгедектер, мүгедек бала тәрбиелеуші отбасылар, созылмалы ауру түрлерімен ауыратын, зейнеткерлер, оралмандар)
5) мемлекеттiк қызметшiлер мен бюджеттiк сала ұйымдардың қызметкерлерi
6) жалғыз тұрғын үйі авариялық жағдайда деп танылған отбасыларға жататын азаматтар тұрғын үй кезегіне өтініш білдіре алады.                                                                                 
Бөлім маманы көрсетілетін қызметті алушының жеке басын куәландыратын құжаттарын,некеге тұру немесе некені бұзу туралы, қайтыс болу туралы, балалардың тууы туралы куәліктерінің мәліметтерін, меншік құқығында оларға тиесілі тұрғын үйдің бар-жоғы, отбасының барлық мүшелерінің мекенжайы туралы мәліметтерді қызмет алушыдан талап етпей-ақ, «Сервистік бағдарламалар өнімі» тиісті ақпараттық жүйелерден ала алады. Құжаттарды қарау және көрсетілетін қызметті берудің жалпы мерзімі өтініш берілген күннен бастап 15 (он бес) жұмыс күнін құрайды.                     
2) Энергия өндіруші, энергия беруші ұйымдардың күзгі-қысқы кезеңдегі жұмысқа әзірлік паспортын алу қағидаларын бекіту туралы" ҚР Энергетика министрінің 2015 жылғы 2 ақпандағы № 55  бұйрығына өзгерістер енгізу туралы Қазақстан Республикасы Энергетика министрінің 2020 жылғы 30 желтоқсандағы № 470 бұйрығы негізінде бекітілген қағидасы негізінде жүзеге асады.

Әзірлік паспортын алуға құжаттарды қабылдау www.egov.kz электрондық үкімет" веб-порталы арқылы (бұдан әрі – Портал) жыл сайын 15 (он бесінші) тамыздан бастап 30 (отызыншы) қыркүйекті қоса алғанда жүзеге асырылады және паспорт алу тек заңды тұлғаларға (мекеме ұйымдарға, мектеп, мәинет) саласы ғана алады. 
Жалпы мемлекеттік қызмет көрсету саласы бойынша қызмет алушылар тарапынан арыз-шағымдар мен уақыты өткен өтініштер (просрок) жоқ.