Қазіргі уақытта Арал теңізінің құрғаған түбінің қазақстандық бөлігінің ауданы 2,2 млн гектарды құрайды. Алдағы он жыл ішінде (2021-2030) 1,1 млн гектар жерге сексеуіл отырғызу жоспарда бар. Бірнеше апта бұрын арнайы экспедиция жұмыс жасап келді. Өсіп тұрған екпелерге тексеру жүргізілді. Табиғи жолмен өсіп тұрғандарды санағанда ауданы 337 мың га құрайды. Мемлекет басшысының тапсырмасы бойынша біз сексеуілді отырғызу бойынша кешенді бағдарлама әзірлеп жатырмыз", - деді Үкімет отырысында ҚР Экология, геология және табиғи ресурстар министрі Мағзұм Мырзағалиев.   Министрдің айтуынша, ағаш отырғызу жылжымалы құмдарды бекітуге, улы аэрозольдарды шығаруды азайтуға және жерді органикалық заттармен қанықтыруға мүмкіндік береді.