Аудандық маслихат депутаты қоғамдық қабылдау өткізді

"Nur Otan" партиясы Жаңақорған аудандық филиалының қоғамдық қабылдау бөлмесінде аудандық маслихат депутаты Нұрлат Байкенже қоғамдық қабылдау өткізді.
Қоғамдық қабылдауға "Nur Otan" партиясы Жаңақорған аудандық филиалы төрағасының бірінші орынбасары Балқожаев Мәжит Байқожаұлы қатысты.
Қабылдауға келген Жаманбай батыр ауылының тұрғыны  жеке кәсіп ашу үшін "Бизнесті бастау" бағдарламасын жұмыспен қамту орталығы арқылы оқуға жолдама алуға ықпал жасауын сұрады. Өтініш иесінің мәселесі бойынша Жаманбай батыр ауылдық округінің әкімі Әлібек Абдуллаевпен телефон арқылы байланысып, мамыр айындағы  "Бизнесті бастау"   бағдарламасы бойынша оқуға тізімге алынатындығы түсіндірілді.