Алматыда "Бек Эйр" жолаушылар ұшағы құлады: жеті адам қаза тапты - видео
Алматы әуежайының хабарлауынша, бортында 95 жолаушысы бар Алматы-Нұр-Сұлтан рейсімен жолға шыққан ұшақ радардан жоғалып кеткен. Ұшақ ұшу жолағынан тыс жерден табылыпты
Алматыда жолаушылар ұшағы ұшу жолағынан тыс жерден табылған, деп хабарлады Sputnik Қазақстанға төтенше жағдайлар комитеті.
Кейін Алматы әуежайы болған оқиға жайлы алғашқы мәлеміттер берді.
"Бүгін Алматы-Нұр-Сұлтан рейсімен жолға шыққан "Бэк Эйр" әуе компаниясының борты жоспар бойынша сағат 7:05-те ұшып, радардан жоғалып кеткен. Бортта 95 жолаушы мен 5 экипаж мүшесі бар", - делінген Алматы әуежайы мәліметінде.
Қолда бар мәлімет бойынша, апаттан жеті адам қаза тапқан, ұшақ екі қабатты ғимараттың үстіне құлаған.
