Ана тілің алпыс тілге татиды

Екпінді ауылдық клубының ұйымдастыруымен ауылдық кітапханада Ұлы Абай Құнанбаевтың 175 жылдығы және 22 қыркүйек Тілдер мерекесіне орай «Ана тілім - ардағым» атты топтық сайыс болып өтті.

Сайыс 3 топқа бөлінді. 1 топ "Ағартушы", жетекшісі Екпінді ауылдық округі әкмі аппаратының бас маманы А.Асанова, 2 топ "Абай жолы", жетекшісі ауылдық клуб үйінің есепшісі Г.Дюсембекова, 3 топ "Шаттық тобы", жетекшісі Сайлаухан Арайлым. Сайыс 4 кезеңде өтті. Тіл туралы, ақын Абай туралы сұрақ жауаптар, Абайдың қара сөздерін уақытпен оқу, сөзден-сөз құрау, мәнерлеп оқу. Сайыс соңында ауылдық клуб үйінің дипломдарымен марапатталып, соңын Абайдың "Көзімнің қарасы" әнімен қорытындылады.