PDF нұсқалар мұрағаты

№24 (8344) 31

31 наурыз 2020 ж.

№23 (8343) 27

29 наурыз 2020 ж.

№22 (8342) 21

26 наурыз 2020 ж.

Жаңалықтар мұрағаты

«    Сәуір 2020    »
ДсСсСрБсЖмСбЖс
 12345
6789101112
13141516171819
20212223242526
27282930 
» » Қаскөй борышкерлер жауаптылыққа тартылды

Қаскөй борышкерлер жауаптылыққа тартылды

Сот орындаушылардың өндірісіндегі атқа­рушылық құжаттардың орындалу жағдайы зерделеніп, соңғылардың әрекетсіздігінен борыш­керлер жауаптылықты сезінбей, сал­дарынан қомақты қарыздар қалыптасқаны белгілі болды.

 Жаңақорған аудандық прокуратураның бастамасымен алимент бойынша орындалуы қиындық тудыратын атқарушылық құжаттардың толық тізімі жасақталып, орындалмаған әрбір атқарушылық құжат бойынша жеке-жеке борышкерлермен жұмыстар жүргізілуде.
Мысалы, 2016 жылдан бастап алимент бойын­ша қозғалыссыз тұрған атқару құжаты бойынша өндіріп алушының пайдасына 1,7 млн берешек қалыптасқан.
Қадағалау актісінен кейін борышкерге тиесілі тұрғын үй қарыз есебінен өндіріп алу­шының атына аударылып, қарыз сомасы толығымен жойылды.
Алимент төлеуден жалтарған 6 борышкерге қатысты Қазақстан Республикасының Әкім­шілік құқық бұзушылық туралы кодексінің 669-бабымен әкімшілік құқық бұзушылық туралы іс қозғап сотқа жолданды (барлығына сот қаулыларымен 5 айлық есептік көрсеткіш мөлшерінде әкімшілік айыппұлдар салынды).
Бұдан өзге 20 борышкер прокуратураға шақыртылғаннан кейін жауапкершілікті сезі­ніп, берешек сомасының есебінен ішінара қаржыларын төлеп, растайтын құжаттарын ұсынды.
Алимент төлеуден жалтарған 2 борышкерге қатысты Қазақстан Республикасының Қыл­мыстық кодексінің 139-бабымен қылмыстық іс тіркеліп, сотқа дейінгі тергеп-тексеру әре­кеттері жүргізілуде.
Сонымен қатар, сот орындаушыларымен али­мент бойынша қарыз қалыптасқан 75 борышкерлердің жылжитын және жыл­жымайтын борышкерлердің мүлкіне, есеп­шоттарына тыйым салынса, 72 борыш­кердің Қазақстан Республикасының аумағынан шығуы­на тыйым салынған.

                                                                                                                      Жаңақорған аудандық прокуратурасы
31 тамыз 2019 ж. 272 0