Қазақстандық боксшы профидегі алтыншы жеңісін нокаутпен аяқтады

Қазақстан жастар арасындағы 2014 жылғы әлем чемпионатының күміс жүлдегері Сұлтан Заурбек БАӘ-де өткен бокс кеші аясында қытайлық боксшы Ченгхонг Таоны жеңді.

Жекпе-жек Dubai Fight Night бокс кешінде болды және алты раундқа есептелген еді. Алайда, қазақстандық қарсыласын бесінші кезеңде нокаутқа жіберді.
Осылайша, 22 жастағы Заурбек кәсіби рингтегі алты жеңісінің төртіншісін мерзімінен бұрын аяқтады. Бұл 28 жастағы Таоның алтыншы жеңілісі болды. Сондай-ақ, оның еншісінде жеті жеңіс пен бір тең ойын бар.

АҚПАРАТ КӨЗІ: 24.kz