БОКСТАН ЖАСӨСПІРІМДЕР АРАСЫНДАҒЫ ЕЛ БІРІНШІЛІГІ: ЖАМБЫЛ ОБЛЫСЫ КӨШ БАСТАДЫ

    Өскеменде бокстан жасөспірімдер арасындағы Қазақстан біріншілігі аяқталды. Турнирге 2003-2004 жылы туған боксшылар қатысқан болатын деп хабарлайды zhanaqorgan-tynysy.kz Olympic.kz сайтына сілтеме жасап.  

    Сонымен, Шығыс төрінде өткен бокс додасында еліміздің 14 облысы мен Астана, Алматы және Шымкент қалаларынан келген 180-ге жуық спортшы бақ сынады. Біріншілік қорытындысы бойынша Жамбыл облысының боксшылары жалпыкомандалық есепте көш бастады (3 алтын, 3 күміс, 3 қола). 

     Екінші сатыға  Алматы облысы (3 алтын, 5 қола) көтерілсе, қолаға Түркістан облысы (2 алтын, 1 қола) қол созды. Енді Азия чемпионатында жеңіске жеткен спортшылар жаөспірімдер құрамасына қабылданып, Біріккен Араб Әмірліктерінде өтетін Азия чемпионатында бақ сынайды. 

     Бокстан жасөспірімдер құрамасының аға бапкері – Аркадий Топаев.