«Челсидің» иегері Роман Абрамович клуб акцияларын сатуға даярлауда.

The Sunday Times-тың хабарлауынша, ресейлік олигарх нью-йорктік Raine Group банкін клубтың құнын шығаруға жалдады. Банк «Челсиді» 2 миллиард фунтқа бағалапты.
Аталған банк 2015 жылы «Манчестер Сити» клубының 13%-ын China Media Capital-ға 265 миллион фунтқа сатуға жәрдем берген екен.
Роман Абрамович 2003 жылы «Челсиді» 140 миллион фунтқа сатып алған болатын. Содан бері ақсүйектер бес мәрте Англия чемпионы атанып, 2012 жылы Чемпиондар Лигасын жеңген алғашқы лондондық клуб атанған.