Қытайдағы қандасымыз Тайлақ Нұражы Shui Combat-1 турнирінде нокаутпен жеңіске жетті
Қытайдың қазағы Тайлақ Нұражы Қытайдың Құлжа қаласында өтетін Shui Combat-1 турнирінің басты жекпе-жегінде жеңіске жетті.
Этникалық қазақ Тайлақ Нұражы Қытайда өткен турнирдің басты кездесуінде жекпе-жекке шығып, жарқын жеңіске қол жеткізді. Құлжа қаласында өткен Shui Combat-1 турнирінің басты жекпе-жегінде өнер көрсеткен Тайлақ қазақстандық спортшы Кирилл Карпекинге қарсы жұдырықтасып, бірінші раундта нокаутпен жеңіске жетті. Осылайша Тайлақ кәсіби мансабындағы он үшінші жекпе-жегінде қарсыласынан басым түсті. Бір қызығы. Тайлақпен жекпе-жекке шығудан жиырмадай спортшы бас тартқан. Тек Ақсу қаласында өткен WKG & M-1 Global турнирінде Тайлақпен бір кардта өнер көрсеткен Кирилл Карпекин ғана жекпе-жекті қабылдаған. 
Тайлақ Нұражы Naiza 57 турнирінде бразилиялық Дуглас Пуманы ауыр нокаутқа жіберіп, қазақстандық жанкүйерлердің жадында жарқын жеңісімен қалған еді.
