2-19 маусым аралығында Нұр-Сұлтан қаласының "Қазанат" ипподромында ұлттық спорт түрлері Жамбы ату мен Теңге ілуден жасөспірімдер, жастар және ересектер арасында ҚР чемпионаты өтуде.

Ересектер арасында Теңге ілуден Сыр спортшысы Исрайыл Айдар 3-орын иеленіп, Түркияның Стамбул қаласында өтіп жатқан V этноспорт мәдени фестиваліне жолдама алды. Қазір Айдар Стамбулда.

Сондай-ақ Жамбы атудың 3 стилінен (Қазақ стилі, Корей стилі, Түрік стилі) жалпы есепте Ғалымжан Өміртай 3-орын иеленіп, чемпионаттың қола жүлдегері атанды.

Жүлдегерлерімізді шын жүректен құттықтап, ертең басталатын жасөспірімдер жарысында Сыр өңірінің өрендеріне сәттілік тілейміз!