Әлем чемпионатына жолдама алды
23-30 сәуір аралығында мүмкіндігі шектеулі азаматтар арасында Өзбекстан Республикасының Самарқанд қаласында жұптық қол күрестен Азия чемпионаты өтті.
Жарысқа әлемнің 11 елінен 100-ден аса спортшы қатысты.
Чемпионатта Сыр спортшылары: Абусеит Реметов (көру қабілеті төмен) 60 келі салмақта II орынды қанжығасына байлады .
Назира Қасымханова (көру қабілеті төмен) 70 келі салмақта II орынды иеленді.
Қос жүлдегер Турцияның Анталия қаласында өтетін Әлем чемпионатына жолдама алды.
Спортшыларды жарысқа дайындаған жаттықтырушы Шыңғыс Азнабаевтың маңдай тері осылайша өтелген сыңайлы. Спортқа шын берілген тұлғалардың әрдайым тауы биік боларына сенімдіміз.
Чемпиондарымызды шын жүректен құттықтаймыз! Алда тек жеңіс пен сәттілік серік болсын!
Әсел СЕРІКҚЫЗЫ
