Футболдан Қазақстан жасөспірімдер құрамасы «УЕФА Кубогында» екінші орынға ие болды, – деп хабарлайды Qsport.kz порталы Kff.kz сайтына сілтеме жасап. 

Армения астанасы Ереванда өткен турнирде Қазақстан құрамасы жақсы нәтижеге қол жеткізі. 15 жасқа дейінгі жасөспірімдер арасында өткен «УЕФА Кубогы» халықаралық турниріне Қазақстан жасөспірімдер құрамасы алғаш рет қатысып, екінші орында иеленді. Отандастарымыз алғашқы ойында Армения құрамасын пенальти бойынша 4:3 есебімен ұтса, екінші ойында Кипрға 2:3 есебімен есе жіберді. Ал соңғы ойында Беларусь құрамасын қапыда қалдырды.