Ойлылар сайысы
№163 орта мектепте жасөспірім ұлдар және қыздар арасында шахматтан аудандық жекелей біріншілікке аудан бойынша 40-тан аса спортшы қатысты.
1-ші және 7-сынып аралығында өткен жарыс тартысты өрбіді. Өйткені Қызылорда қаласында өтетін шахматтан жасөспірімдер арасындағы облыс біріншілігіне жолдама сынға түскен еді. Жарыс жеңімпазы мен жүлдегерлер аудан намысын қорғайтын болды. Әрі аудандық дене шынықтыру және спорт бөлімінің грамоталарымен, медальдарымен және бағалы сыйлықтарымен марапатталды.
Ал өткен аптаның жұма күні аудандық спорт клубында қазақ күресінен 2004-2005 жылы туылған жасөспірімдер арасында облыстық біріншілік мәреге жетті. 14 команда бақ сынаған турнирде жаңақорғандық команда жеңіс тұғырынан көрінді.
